Diasabra mainta den e birada skerpi di Rooi Frances pa bay Rooi Taki a keda registra un accidente di auto basta fuerte cu a laga persona herida y pega den auto. Unidad policial, ambulans y brandweer a keda manda cu urgencia pa e sitio.Na yegada di e prome unidad a topa cu un chevrolet optra y un toyota yaris tabata e vehiculonan envolvi den e desgracia.
Den e chevrolet optra tabata e chauffeur masculino herida y tabata pega y cu ayudo di bombero a logra sake for di e auto despues cu a corta e porta.
E victima a keda transporta pa hospital. Polis di trafico tabata presente pa haci nan investigacion.