Diadomingo anochi autoridad ta keda informa cu lo mester tin un accidente basta fuerte entre un brommer y un auto na Tanki Leendert. Di biaha ta despacha varios unidad na e sitio. Na yegada di e prome patruya di berdad e accidente ta fuerte unda e manehador di e harley lo ta seriamente herida y e chauffeur y un ocupante den e auto tambe ta herida.
https://www.facebook.com/masnoticia/videos/1317937004910551/
Varios ambulance a ser manda pa e sitio y asta e rapid responder. Nan a atende cu e heridonan. Polis di trafico tambe a presenta pa tuma datos y haci nan investigacion. Daño material ta grandi. Segun prome informe e Harley preto biniendo di zuid lo a bay pasa e auto un Chevrolet Optra cora net na momento cu e auto a bay lora na su man robes y e harley ta dal basta fuerte den e auto.