Dialuna atardi riba e caminda di Noord pa Palm Beach net dilanti botica Santa Anna a sosode un accidente den cadena entre 3 auto. Un Toyota van di carga a bay lora pa drenta parking lot di botica y e auto su tras un Toyota Prado oro tambe a brake pero e Kia Sportage mas patras a dal duro tras di e Prado pa e Prado bay dal den e van. 3 Persona a keda levemente herida y ambulance a presenta pa atende cunan. Polis di trafico a tuma dato. Y patruya di Noord a yuda tuma dato y cera caminda. Daño ta minimo.