Diaranson pasa di 11:30 anochi personal di roadservice a keda solicita pa un accidente di auto na Seroe Blanco patras di Setar. Sacando potret di e daño di tanto un sentra y un kia rio. Polis pasando na e sitio a keda para pa e personal debi cu un persona den e kia rio tabata keha di dolor. A pone cu e patruya di Oranjestad mester a para pa asina atende cu e dalmento y yama ambulance.
E victima den e kia rio a keda atendi pero tabata keha dolor na su banda drechi di curpa y a keda hiba hospital.
E oficialnan na e sitio a haya straño con e autonan ta para, y a constata riba caminda varios lastro di brake por lo menos 4 pa 5 diferente cu e impactonan marca riba caminda. Tabatin testigo cu a comenta cu autonan a dal mas cu un biaha ariba di otro.
Esaki a pone cu e Polis presente a pidi presencia di Polis di Departamento di Trafico pa specialista acudi na e sitio. Asina specialista a presenta y mira e situacion y a haya esaki poco dudoso, con e marcanan ariba e santo unda e kia rio a para, y tambe di e sentra unda tin mas cu 2 lastro di brake den diferente posicion.