DEN HAAG, Hulanda – Tur cinco agente cu tabata envolvi den e aresto fatal di Mitch Henriquez, riba dia 27 di Juni aña pasa den Haagse Zuiderpark, mester wordo persigui. Esaki ta loke e famianan di Henriquez ta pensa, segun nan abogado Richard Korver.
Ministerio Publico a dicidi dialuna cu dos di e cinco agentenan envolvi mester aparece dilanti di un strafrechter pa asina duna cuenta pa nan papel den e deselnace dramatico di e detencion. E tres otronan no lo wordo persigui penalmente.
Bus di polis
Famianan ta haya cu e agentenan envolvi mester a nenga pa transporta Henriquez den un bus di polis. “E instruccionnan oficial ta mustra cu un ambulance mester a wordo yama.”
Tabata tin dos ambulance riba e tereno di e festival. Pesey “nan por a haya ayudo medico adecua,” segun e abogado. Pasobra e agentenan a transporta Henriquez pa warda, ta perdida di tempo valioso, segun Korver. “E mama, ruman muhenan y sobrino di Mitch ta pensa cu pesey nan mester wordo persigui.”
E famianan a bisa cu nan ta lamenta cu Ministerio Publico no lo persigui e dos agentenan pa “doodslag”. E mama, rumannan y sobrino di Henriquez ta pensa cu e “condena pa “doodslag” a base di e caso, sin duda ta mester pertenece na e posibilidadnan.”
Famianan di Mitch a duna keho di meineed (perhurio). E keho ainda no a wordo investiga pa Ministerio Publico. “Un escogencia robes,” segun e famia.
Fuente: De Telegraaf