NEW YORK, Merca- E abogado Aaron Scholssberg, cu siman pasa a aremete contra di personal y clientenan di un cafeteria na New York, a ofrece su disculpa y a pidi pordon. E abogado a ataca e personal y e clientenan pa motibo cu nan tabata papiando Spaño.
Den un mensahe publica diamars ariab su cuenta di Twitter, e hurista ta retracta su mes, unda cu e ta bisa cu su conducta tabata “inaceptabel” y e ta sigura cu su comportamento no ta demostra e persona cu e ta realmente. “Mi no ta racista”, el a enfatisa.
Segun Schollsberg, un di e motibonan pa cual el a muda pa New York ta precisamente pa e diversidad cu e ciudad ta ofrece”, el a afirma.
No obstante, varios ta e internautanan cu a rechasa e disculpa di Scholssberg. Nan ta resalta cu no ta prome biaha cu e ta haya su mes involucra den episodionan xenofobico.
Den un grabacion di 2016, e ta aparece insultando un peaton, cu e ta tilda di “stranhero horibel”. Den otro video di 2018, por wak Scholssberg ta discuti cu varios Hispano durante un manifestacion.