Conforme articulo 9, III Lid 1b di statuto vigente, directiva di ABBA a yama un reunion “ Extra Ordinario” ( Buitengewone Algemene Ledenvergadering ). E reunion aki a tuma lugar den sala 30 na stadion Guillermo Prospero Trinidad. Punto nan di agenda tawata campeonato AA, A Klas, U19, presentacion di concepto plan Strategico 2018-2022 cu a keda trata y apoba, tambe a acorda un fecha pa inicia e campeonato 2018 den luna di April proximo. ABBA lo yama den siman cu ta bin un conferencia di prensa pa asina por releva esaki na pueblo di Auba. Durante turno liber miembro nan a expresa palabra di gratitud y satisfaccion pa cu directive di ABBA pa e bon trabou hasi den aña 2017. Esaki sigur ta un estimulo pa Directiva di ABBA pa asina sigui traha cu amor y dedicacon pa hunto hiba nos baseball padilanti.