A pone beslag ariba BOPEC, propiedad di PDVSA

0

KRALENDIJK/CARACAS- Segun e agencia Reuters, e empresa Mericano ConocoPhillips lo a pone un beslag ariba e instalacionnan di e Corporacion Petrolero di Bonaire (BOPEC), propiedad di PDVSA, cual lo haci imposibel pa esaki sigui cu su actividadnan.
E embargo aki riba BOPEC no ta algo inusual, ya cu tin otro instalacionnan cu ya caba a wordo embarga pa companianan Mericano debi na varios deuda cu e compania petrolero Venezolano tin cu varios compania na nivel mundial.
E accion legal di parti di ConocoPhillips a causa inkietud entre e habitantenan di Bonaire y tambe di otro islanan caminda cu PDVSA tin instalacionnan. Den caso di Bonaire, tabata tin cierto miedo di cu esaki lo por afect e produccion di energia riba e isla. Den e sentido aki, gobierno a indica cu e accion aki lo no tin efecto directo riba e produccion di energia.
Di un banda, ta stipula cu e compania productor di energia ContourGlobal ta autorisa pa uza e combustibel cu el a paga caba na BOPEC. Sin embargo, e combustibel ta yega solamente pa menos di dos siman di produccion.
Di parti di PDVA, tin ehecutivonan halto di e petrolero cu ya caba ta riba e isla pa atende cu e asunto aki personalmente.
Fuente:

Comments

comments