Rudy Geerman di FTA ta splica cu a traha duro pa logra cu e trahadornan di Barcelo cuminsa traha di 6 dia pa 5 dia.
E firmamento di CAO cu a tuma lugar na Barcelo a bay cu sentimentonan mixto pa sr. Geerman, kende a negocia su ultimo CAO pa Barcelo. E CAO tin un duracion di cuater aña. E trahadornan mester realisa cu locual a wordo logra ta algo hopi beneficioso. E negociacion a tuma hopi largo caminda prome a negocia cu gerencia local y despues cu respresentantenan di exterior pa despues toch negocia na final cu gerencia local.
Segun sr. Geerman, ta convenci cu Barcelo sirbi como ehempel di tur e hotel y empresanan cu a bay di 6 pa 5 dia. A sa di logra mantene y mehora condicionnan. Un di e puntonan cu ta preocupa e compania ta e cantidad halto den dianan AO y ta spera cu e reduccion di 6 pa 5 dia, e cantidad di AO tambe lo baha. Un otro punto ta ora un trahador yega edad di pension, pero ta keda constante den e mesun posicion, caminda e ta stroba otro trahadornan hoben pa eherce e posicion ey.