Na diferente punto di e proyecto di Green Corridor, diferente speeltuin a wordo poni. Na Pos Chikito, entre Isla di Oro y Rotonde di Pos Chikito, tabata tin cuater speeltuin poni akinan. DOW a haya diferente keho di comunidad cu ora cu e muchanan por hunga, nan por core subi caminda grandi. Of trafico por perde control, y dal den e speeltuin, cu no por garantisa e siguridad di esunnan cu ta haci uzo di e facilidad aki.
Tambe tin un mocion for di parlamento, cu pa siguridad lo realoca e speeltuinnan. Hunto cu minister di infrastructura, Sr. Oduber, a palabra cu den dos siman lo kita nan y trabaonan a cuminsa pa kitanan. Nan lo bin bek DOW den nan warehouse, pa despues dicidi unda ta bay pone nan.
E speeltuinnan ta di Odinsa, di e proyecto Green Corridor. Y awo cu DOW a tuma nan bek. Y ora cu pone nan bek, bo kier ponenan na kisas na MFA Savaneta, unda cu por ubica un speeltuin, rond di Kukwisa School. Pero esey tin di wordo evalua hunto cu minister unda lo bay ubica nan.
Tin cierto medidanan di precaucion cu mester wordo tuma y naturalmente ora cu ta haya critica, e ta un percepcion tambe. E ora pa siguridad di tur esunnan cu ta uza e speeltuin, a dicidi di kitanan, segun Sr. Marlon Croes, director di DOW.