Serlimar a cuminsa remplasa barinan na Gold Coast y reemplasa esakinan pa nan barinan eco-friendly. Esakinan ta specificamente pa condominio y apartamentonan.
Sra. Twyma van der Biezen a splica cu a cuminsa na Gold Coast, pasobra e ta un di e complehonan di vivienda cera cu Serlimar tin como cliente. E meta ta pa nan sigi cu introducimento di e barinan nobo aki. Pa locual ta trata e mercado residencial y casnan particular, nan lo ricibi otro tipo di bari. Serlimar ta na altura cu tin un problema grandi di barinan kibra den e mercado residencial y pronto lo haya barinan nobo pa cuminsa remplasa.
Serlimar ta orguyoso cu e color di e barinan di Gold Coast. Un neon berde y oranje cu e logo di Serlmar riba dj’e cu ta diversifica nan mes den e sector di e maneho di desperdicio. E ta completamente reciclable, eco-friendly y ta traha a base di etanol cu ta wordo proceso di matanan di caña. Esaki ta e mesun idea cu Serlimar kier introduci den e mercado residencial.