Diahuebs Scol Preparatorio Nos Paraiso a celebra e inauguracion di nan Speeltuin nobo. Es decir e coi hunganan cu e muchanan ta hunga ora nan tin pause ta hunga aden. Sra. Lilian de Kort- Boekhoudt, directora di Scol Preparatorio Nos Paraiso ta amplia.
Sra. De Kort a splica cu nan tabata tin coi hunganan hopi bieu, di hopi tempo pasa. Eseynan tambe nan a logra cu recaudacion di fondo, mescos cu aworaki, pa nan por a logra yega na un speeltuin nobo. A logra di cambia hasta e dak di e stage. Esaki ta danki na Sr. Franklin Bareño, di Bright Bakery, cu a busca tur e materialnan pa nan, pero e placa no a yega, pero e material ta hopi caro. Sr. Bareño a pone loke tabata falta, pa cumpra e materialnan toch.
E daki di stage a wordo renoba completamente, ya cu e dak tabata full kibra. Danki un biaha mas na Sr. Bareño pa e yudansa aki tambe. Scol Preparatorio Nos Paraiso ta cla pa cuminsa un aña escolar cu materialnan ‘nobis nobis’ pa cual nan ta hopi content.
Por ultimo, e directora Sra. Lilian de Kort- Boekhoudt ta spera cu mas comerciante por yuda pa asina yudanan pa logra tur nan metanan cu nan tin.