Sr. Theo Croes, director di Arubus ta elabora ariba e caso di malversacion di parti di un trahado di Arutram, cual ta algo lamentable.
Segun Sr. Croes, e trahado tabata un manager y nan tabata confia di cu e cabayero G. aki lo haci su trabao debidamente. E ta suppose di cu’n manager ta proteha e compania, pa cosnan aki no pasa. Pero si e manager mes ta comete malversacion, tanto di dje como di otro, e ta dificil pa tin un control manera cu mester ta.
Awo a cambia e control. Tin mas control ariba e manager, e mes no por haci niun gasto mas, solamente aproba. Y tin dos hende cu mester firma. Esun cu ta ricibi e producto y esun cu ta haci e gasto. Y e manager. Esaki ta wordo haci pero toch despues di un tempo tin un hende cu tin miho control y un miho bista, segun Sr. Croes.
CASO
Durante un investigacion cu a cuminsa cierto cosnan a bin afo, pa cual a haci un investigacion mas profundo cu a saca afo tur locual tabata pasando. A base di esey mester a duna aangifte ariba dje y cosnan a cuminsa cana. Awo e ex trahado aki lo mester duna e placa bek, segun e vonnis di hues. Pa loke ta su trabao, el a wordo kita inmediatamente. Apart di esey, e cabayero G. tambe a entrega un carta pidiendo su retiro.
Al parecer, e meneer Geerman aki lo a keda uza logonan di Arubus/Arutram, cual ta bou di investigacion actualmente. Por spera un otro caso den corte pronto.
Aworaki, a introduce tress tap. Pero e manager mes no por haci niun gasto. A base di loke a pasa a dicidi di cambia e structura, pa evita cu un caso asina lo bolbe sosode.