A guia e prome reunion den parlamento dunando espacio y respet

0

Ta lamenta cu e prome reunion e mester a pone ordo mirando comportacion di fraccion di AVP y di publico, segun Presidente di Parlamento, Sr. Guilfred Besaril.

Tabata tin diferente momento cu presidente di parlamento, cu si e no tuma accion, hopi facil cu e reunion por a bay for di man. Tabata tin varios orado clasico cu tabata sa con pa prikkel e publico. Ta pesey tambe tabata duna ordo constantemente cu ta trek un strepi sino lo cuminsa saca hende.

Asina ey a manda seƱal, sin cu a stroba e reunion y sin cu el a bay for di man. A permiti pa publico ta den nan cas, cu ta sala di parlamento. E publico ta honra di por sigui un reunion y comporta nan mes como debe ser. E focus ariba e comportacion di e parlamentarionan, di coalicion, cu tabata kier bay un stap mas aleu, pero Sr. Besaril a mantene e calma, pa trata e tema cu e seriedad cu e merece, pa asina e pueblo por recupera e confiansa y mira den e parlamento nobo, e representantenan nobo cu nan merece.

Sr. Besaril tabata masha critico den guiamento di e reunion, duna espacio y respet, pero zorg pa tene e reunion den bo man. Asina dunando espacio, dunando e agenda e respet cu e mester. No por laga e puntonan den e agenda bay perdi, pa bay den discusion cu no tin esencia den Staten.

Tabata tin diferente ocasion, caminda cu e mester a pidi e parlamentarionan pa keda ariba e punto di agenda, pa por keda riba e mesun agenda. Den su prome reunion, Sr. Besaril ta haya cu a logra e compromiso cu e mes a pone y asina e lo sigui reunionnan den parlamento.

Pa loke ta trata e reunion pa tocante e renobacion di hospital, esey lo continua diamars, dia 7 di November proximo, segun Sr. Guilfred Besaril, presidente di Parlamento a finalisa bisando.