Polis ta wordo yama pa intermedia den un caso di un show di vuurwerk, na altura di Fishermen’s Hut, panord di Ritz Carlton. Na e sitio e e agentenan ta wordo acerca door di e personal di DOW, Sr. Ponson kende a declara cu e un boto ta mara banda di unda e vuurwerk ta pa cual e show no por cuminsa. Nan a acerca e personanan aki y splicanan di e peligro cu esaki ta encera, pero e personana aki tabata masha grosero y no a mustra comprension pa e situacion. En conexion cu esaki, polisnan hunto cu personal di DOW a subi e boto di polis pa asina bay papia cu e tripulacion di A2288, Positive Vibes. Ora cu polisnan a yega cerca, nan a constata cu tabata tin mas o menos 10 persona a bordo, y bou influencia di alcohol of otro substancia. Ora cu polis a yega cerca y hala nan atencion pa cu e situacion, nan a bira masha grosero y no a mustra comprension, y tampoco a duna oido pa hala e boto for di e sitio en cuestion. Nan a cuminsa insulta e agentenan. Mas di un biaha a pidi nan pa hala for di eynan, ya cu e ta peligroso pa keda eynan. Pero e peticion no a haya oido cerca e tripulacion. Ora cu polis a pidi refuerso di Polis Maritimo, nan a dicidi di e ora si di hala e boto. Agentenan policial a bay na Seaport unda cu e boto ta mara. Den e boto a bin topa cu gran cantidad di boter di bebidanan alcoholico. Na e sitio polisnan a detene e tres sospechosonan basa ariba articulo 2:226, 2:137 y 3:52. Nan a wordo transporta pa e post di Strandpolitie unda nan a wordo presenta dilanti Fiscal Auxiliar y nan haya un cuarto gratis pa baha nan wayaba y pa demas investigacion.