E situacion di Aruparking, a pesar cu a pasa algun aña caba, ta uno fastioso. Comerciantenan no ta gusta esaki mucho. Sra. Lidnsey Croes, comerciante y doño Lindsey Boutique, den Oranjestad, ta splica cu a bin cu survey pa asina haya sa e pensamento di comunidad pa loke ta trata e situacion di Aruparking. Sra. Croes ta amplia.
Ta haya mixed feelings di nan ta gusta, nan no kier’e. Tambe comunidad tin ta bisa cu nan no ta bin door di Aruparking, nan no kier paga. Tin ta gusta cu si y nan ta paga. Pa esaki a bin cu’n survey, pa asina por sa kico e comunidad kier di berdad, si nan kier un Aruparking si of no.
E Aruparking kisas ta un di e motibonan, pa cual ta buscando un solucion pe. Pa loke ta logistica, Aruparking no ta cuadra mucho. Y den weekend, e vaknan geel ta bashi, pero no por para eynan, ya cu Aruparking ta touw e auto. E comunidad tin miedo, ya cu e ta un tarifa hopi caro.
Sra. Lindsey Croes su opinion personal, ta cu mester bin un structura mas fuerte, mas miho poni den otro. No solamente e tarifa, pero tambe e vaknan mester cambia. Kisas mester pone algun parkeer extra, ya cu si bay den caya not a haya luga di parkeer toch. Y door di esaki e consumidor ta bay un otro caminda, cu si nan mester parkeer y kisas nan no mester ni di paga.
Segun minister di Transporte, ta studiando e posibilidad di bay cu Aruparking den area di Palm Beach tambe, riba cual Sra. Croes ta di opinion cu Palm Beach ta haya mas turista cu si ta custuma di paga. Un florin no ta ni un dollar, cual no ta mucho hopi. Pero e comunidad di Aruba no ta custuma y esaki a pone e cherry ariba e top di e situacion di Caya Betico Croes.
Meta di e survey aki ta pa haya mas informacion di kico Aruba ta pensa di Aruparking, cual lo wordo evalua pa despues entrega esaki na minister, pa nan tuma e decision final di esaki, segun Sra. Lindsey Croes, comerciante doño di Lindsey Boutique,