E beneficionan di ehercitacion fisico ta sumamente conoci. Desde e mehora di e condicion y aspecto fisico hasta e interaccion social, tambe ta influi positivamente den e aspecto psicologico. Aire liber of bao di dak, hungando of practicando profesionalmente y cu un mayor of menos duracion, specialistanan ta recomenda incorpora e custumber saludabel aki desde niñez, di manera cu e ta bira algo natural y cotidiano y ta mehora e calidad di bida di futuro adultonan.
Sin embargo, mescos manera entrena cu regularidad, ta genera un lista amplio di beneficio, e sedentarismo, ta supone lo contrario, e falta di actividad fisico ta un factor di riesgo considerabel pa e enfermedadnan no transmisibel (ENT), manera accidentenan celebrovascular, diabetes y cancer. E Organisacion di Salud (OMS), a profundisa den e punto aki pa alerta cerca di e dehades general: den hopi pais e custumber ta mantene su mes activo den descenso.
“Den e ambito mundial, 23 porciento di e adultonan y e 81 porciento di e adolescentenan cu edad escolar, no ta mantene nan mes suficientemente activo,” e organismo sanitario a comunica.
Cu motibo di reverti e situacion aki, a lansa un plan di accion mundial pa e prevencion y control di ENT 2013-2020. Den dje ta haci un yamado na reduci den un 10 porciento e inactividad fisico cu miras riba 2025, loke tambe lo contribui na alcansa e Obhetivonan di Desaroyo Sostenibel (ODS).
Entre e distinto medidanan, e punto central ta radica den e entornan faboral y e apoyo na comunidad. E politicanan urbano y medio ambientalnan tin un potencial enorme pa incrementa movimentonan di e poblacion. E entidadnan gubernamental, mester fomenta actividad den luganan di trabao, dispone den tur scol di instalacion y espacionan apropia, garantisa accesibilidad y siguridad di e mobilidad na pia, bicicleta of cualkier otro transporte.
Hunto na e yamado di atencion, OMS a lansa uns erie di recomendacion riba e cantidad minimo di actividad pa inclui un rutina diario di modo id mehora slud den tur e gruponan etario.
Personanan di 5 pa 17 aña: tin cu realisa 60 minuut di actividad fisico vigoroso. Lo ta hopi miho, si ta supera dicho cantidad.
E intensidad ta referi na e ritmo, e esfuerso cu ta wordo emplea. Cana, ballia of e trabaonan domestico ta ehempelnan di actividadnan modera, mientras cu otronan ta dispone di un grado vigoroso, manera core, core bicicleta, lanta of lanta hopi cantidad di peso.
Personanan di 18 pa 64 aña: esnan cu ta integra den e margen aki, ta conseha nan practica por menos 150 minuut semanal di actividad modera den periodonan inferior na 10 minuut.
Personanan mayor di 65 aña: tin cu mantene nan mes activo cu nan salud ta permiti.
Lo ideal ta pa nan realisa ehercicio tres biaha pa siman pa mehora e ekilibrio ye vita caida.
Pa tur edad, e obhetivo ta pa incrementa gradualmente e duracion, frecuencia y intensidad.
Beneficionan multiple
Un rutina regular ta yuda mantene un curpa sano. Personanan fisicamente activo ta mehora e funcionamento di e sistema muscular y cardiorespiratorio; e salud di weso y funcional; tin tasanan inferiod di cardiopatianan coronario; hipertension arterial, accidentenan celebrovascular; diabetes, cancer y depresion; tin un menor riesgo di caida y fracturanan di heup of columna.
Tur actividad, ya sea ta pa traha of desplasa door di cana of riba bicicleta of como parti di actividadnan recreativo, ta supone un fruta pa salud. Cualkier movimiento corporal ta wordo considera actividad fisico, no solamente deporte of entrenamentonan duro den gym. Hunga, cana, balia of realisa trabaonan di cas, entre otro ta opcionnan saludabel.
Fuente: http://www.sinembargo.mx