Na momento di come druif, hopi hende ta prefera di saca e simianan pasobra, apart di tin un sabor marga, nan ta considera cu ta un desecho di e fruta.
Loke nan no ta alcansa na imagina ta, cu apesar di su diminuto tamaño, nan ta un fuente importante di nutriente esencial cu por brindabo hopi beneficio na bo curpa.
E ta contene acidonan graso insatura y poderoso antioxidante cu, hunto cu su vitamina y mineralnan, ta mehora e salud y ta proteh’e frente algun enfermedad.
Su consumo ta cada biaha mas popular rond mundo, no solamente riba su mes, sino como complemento di salada y juicenan natural.
Pa e rason aki, nos kier a dedica e espacio aki na 8 bon rason pa bo stop di tira nan afo y considera nan un superalimento.
Descubri nan.
1.Ta mehora e circulacion
E flavonoidenan conteni den e simianan di druif, ta contene e capacidad di mehora e circulacion di sanger pa evita e formacion di trombose y problemanan di presion arterial halto.
Su acidonan graso esencial ta stimula e limpiesa di sanger, ta reforsa e vasonan sanguineo y ta yuda preveni inflamacion y endurecimento arterial.
2. Ta preveni embehecimento prematuro
E variedad di simia aki ta contene antioxidante cu ta yuda protehe e celnan pa efectonan nocivo di e radicalnan liber, principalmente responsabel di embehecimento prematuro.
Su absorcion den e organismo ta minimalisa e stress oxidativo y ta promove e regeneracion celular pa evita e desgaste di e organo y tehidonan.
Debi na esaki, su extractonan ta wordo uza den e industria di cosmetica, dado cu tambe e ta protega e cuerto den e aparicion di lachi.
3. Ta mehora e salud visual
E consumo regular y modera di simia di druif ta un custumber cu por beneficia e salud visual. Y no ta cu solamente e ta disminui e riesgo di infeccion, sino cu e ta brinda un efecto protector contra e desgaste causa pa toxinanan.
Su alto aporte di vitamina E ta mehora e agudeza visual y ta reduci e fatiga ocular cu ta wordo produci pa e uzo excesivo di dispositivonan electronico.
Sumando na esaki, e ta yuda na minimalisa e efectonan negativo di diabetes riba e wowonan y ta evita e desaroyo di enfermedadnan cronico.
4. Ta fortalece e cabey
Muhenan cu cabey debil y cu tendencia na caida excesivo por haya un gran complemento nutricional den e simianan di druif.
E alimento aki, ademas di su azeta esencial, ta fortalece e capilarnan y ta yuda mehora e absorcion di e nutrientenan pa un optimo crecimento.
Su consumo modera y e aplicacion externo, ta mehora e circulacion den e cuero di cabes y ta facilita su proceso di oxigenacion.
5. Ta yuda desintoxica e intestino
Contrario na loke hopi hende ta pensa, e simianan aki ta contene un cantidad importante di fibra dietetico, necesario pa mehora e digestion.
Su propiedadnan ta un excelente apoyo pa impulsa e desintoxicacion di e intestino, ya cu e ta facilita e procesonan cu ta expulsa e residuonan cu ta aloha den su interior.
Ademas, no ta altera e pH di e flora intestinal y ta disminui e exceso di acidez den e tracto gastrointestinal.
6. Ta fortalece e salud inmunitario
E simia chikitonan aki ta un fuente importante di vitamina C, beta-caroteen y reseratrol, nutrientenan esencial cu ta apoya e bon funcionamento di e sistema inmunitario.
Su compuestonan fenolico ta apoya e proceso di formacion di anticurpa y ta disminui e riesgo di atakenan bacteriano y viral.
7. Ta preveni infeccionnan urinario
Pa su propiedadnan diuretico y depurativo, e simianan di druif ta un remedi preventivo di infeccionnan urinario incomodo.
Su compuesto ta tonifica e vianan urinario y ta yuda incrementa e produccion di urina pa impulsa e eliminacion di e bacterianan cu ta aloha den e sistema.
8. Ta protehe e cuero
Aunke riba e cuero sa uza e azeta obteni di e simia di druif, consumi nan riba su mes tambe ta resulta idoneo pa proteh’e.
E absorcion di su nutriente y antioxidantenan ta inhibi e dañonan causa pa e radicalnan liber riba e celnan y di paso, ta eherce un efecto rehubenecedor.
Su vitamina C y resveratrol ta yuda na mantene e nivelnan adecua di colageno y elastina, sustancianan cu ta mantene e firmesa y hubentud di e cuero.
Ademas, su propiedadnan antibacteriano ta yuda combati acne y ta preveni problemanan manera dermatitis y eczeem.
Abo ta esunnan cu ta benta e maraviyoso simianan afo? Awo bo sa con bon nan ta pa promove bo bienestar, anima bo mes na consumi nan hunto cu e druif, of añadi nan den otro preparacion.
Fuente: https://mejorconsalud.com