8 Beneficio pa come anasa habitualmente

0

Ora nos ta come anasa, nos ta haya cantidadnan grandi di vitamina, mineral y fibra cu por yuda nos den multiple aspecto, aunke tampoco nos mester excede. Cu un cup pa dia ta suficiente.
Anasa ta un di e frutanan tropical mas dushi cu nos por come. Ademas di su sabor, tin varios hopi bon rason pa come anasa y nos lo dunabo esakinan.
Un di e miho cosnan cu anasa ta, cu bo por incluy’e den bo dieta den distinto forma:
Fresco, na juice, cushina, den conserva.
Ora bo come anasa, bo ta obtene mineral, vitamina, mescos cu fibranan soluble y insoluble y bromelina.
Tur esakinan ta indispensabel pa bo organismo funciona di forma corecto.
Ademas, e ta yudabo na:
Mehora bo sistema inmunitario
Un racion di anasa ta contene 130% di e cantidad diario recomenda di vitamina C., pa loke e ta un di su fuentenan di mas rico. Vitamina C ta asocia cu e reduccion di enfermedad, e stimulacion di bo sistema inmunologico y ta combati e radicalnan liber pa ta un potente antioxidante.
2. Ta preveni cancer
Ademas di proteccion di vitamina C contra radicalnan liber, come anasa por yudabo den e lucha contra cancer. Esaki, danki na otro antioxidantenan cu e ta contene:
Vitamina A, Beta-caroteno, Bromelina, Diverso compuestonan flavonoide, nivelnan halto di manganeso.
Ta importante pa menciona cu manganeso di anasa ta evita den gran medida e efectonan di e radicalnan liber riba e celulanan.
Esey ta nifica cu e celnan sano no ta desaroya den canceroso, specialmente den esunnan cu ta produci cancer di boca, garganta of pecho.
3. Mehora bo digestion
Manera hopi otro fruta, anasa ta yena di fibra tanto soluble como insoluble. Pa e motibo aki, come anasa den cantidadnan apropia por protegebo contra:
Barica cera, diarea, sindrome di intestino irita, arteriosclerosis, coagulacion di sanger, hipertension.
Ademas come anasa ta stimula e movimentonan peristaltico y e liberacion di juicenan gastrico cu ta yudabo disolve miho e alimentonan.
4. Combati tosamento y verkoud
Bromelina cu nos ta obtene ora cu nos come anasa ta reduci flema y e slijm cu ta acumula den e vianan respiratorio y den e nanishi.
Pa e rason aki, e ta yuda evita cu e enfermedadnan ta causa e tipo di sintomanan aki y ta apoya e curpa den e proceso di eliminacion di e slijm y pa disminui infeccion.
5. Ta yuda mantene e wesonan fuerte
E alto contenido di calcium y manganeso di e anasa ta haci ideal pa fortalece na gran medida bo wesonan, ta yudabo na regenera den caso di daño y pa esnan cu ainda ta den crecemento.
Manganeso ta e mineral mas abundante den anasa. Por lo anterior, na consumi un porcion di e fruta aki lo haci cu bo ta ingeri mas di 70% di bo rekerimento diario di e mineral esencial aki.
6. Preserva e salud di bo wowonan
E sentido di bista ta uno di esunnan mas importante pa sernan humano y anasa ta haci un excelente trabao ora cu ta trata di yudabo na cuida nan.
Esaki ta debi cu ora di come anasa e ta estrechamente relaciona cu e prevencion di algun deficiencia den e wowonan cu por wordo causa pa edad.
E degeneracion macular ta afecta hopi hende na edad avansa, pero e beta-caroteno di anasa ta yuda retrasa e problemanan di vision. Si bo ta sigura di inclui e cantidadnan adecua di beta-caroteno den bo dieta y bo ta logra sigui mira bon den mundo den bo biehes.
7. Ta regula e presion arterial
Bo ta corda cu nos a menciona potasium entre e nutrientenan cu anasa ta contene? Wel bon, esaki ta un di e mineralnan mas importante pa e curpa. Potasium ta un importante vasodilatador. Esaki ta nifica cu ayudo di bo vasonan sanguineo, na ta liber di tension y stress. Ademas, e ta promove un miho circulacion di bo sanger.
Ora cu bo adernan ta mantene relaha lo bo logra cu:
E presion arterial halto ta wordo manteni bao di control.
Ta evita e formacion di cloths cu por blokea e fluho di sanger.
Ta reduci e acumulacion di placa den bo arteraianan.
Ta preveni enfermedadnan grave manera arteriosclerosis, atakenan di curason y deramenan celebral.
8. Ta yuda maneha y controla artritis
Esaki ta kisas un di e uzonan di mas celebre di anasa pa loke ta trata salud. Come anasa por yudabo na reduci e inflamacion di e articulacion y musculonan, particularmente den esunnan afecta pa artritis.
Danki na Bromelina, cu por wordo asocia principalmente cu kibra e complehonan di proteina, anasa tin efectonan grandi anti inflamatorio.
E efectonan ta preveni dolornan intenso y ta yuda cu e molesternan ta menor. Esaki tan ifica cu bo por realisa bo actividadnan cu mayor comodidad.
Evita exceso ora di come anasa
Si ta berdad cu anasa ta un fruta cu inumerabel beneficio, nos no por lubida su aporte na sucu. Pesey, ta importante pa ora cu bo come, sigura pa midi e porcionnan. Un porcion di anasa ta ekivalente na loke ta bal den un kopi chikito. Den e caso di bebe su juice, ta bon idea pa combina cu algun vegetal.

SHARE
Previous articleRubin Ponson: Controlnan lo sigui mesun cos manera tur aña riba klapchi
Next articleSharin Luydens: Mas di 11 mil persona lo ricibi carta di censo pa wak si nan ta na Aruba si of no