Diaranson, pa mas of menos 7’or y 10 di mainta, Central ta dirigi patruya na un adres na Ponton pa un caso di destruccion. Eynan a papia cu e homber WW, kende a declara cu mainta, el a haya su auto destrosa. Door cu polis a haci un investigacion mas profundo, nan a bin constata cu ta un cacho a destrosa e auto. E bumper y wardalodo tabata tin marca di djente y riba e portanan tabata tin rastro di pata. Ora cu patruya a bay wak bao di e hood, a bin resulta cu tabata tin un pushi scondi den dje. Posiblemente e cacho a purba di gara e pushi, caminda cu el a destrosa e auto.