Tin un bon calidad di soño, es decir, drumi entre 7 y 8 ora pa dia sin interupcion, ta un di e actividadnan biologico cu tur ser humano ta rekeri pa tin un salud fisico y mental den optima condicion.
Aunke hopi no ta dun’e su importancia, su practica diario ta e unico forma di renoba e energianan pa prepara e organismo pa un hornada nobo.
De hecho, durante e lapso aki ta tuma luga un serie di funcion cu, aunke sa ignora esakinan, ta determinante pa e bon funcionamento di e celebro, e sistema inmunitario y otro sistemanan di e curpa.
Debi na esaki, ta primordial atende na tempo e dificultadnan pa drumi, vooral ora cu ta manifesta di forma recurente.
No obstante, prome cu considera e consumo di medicamentonan convencional, ta bon pa tene na cuenta algun bebida natural, cual propiedadnan por induci soño.
Den e oportunidad aki nos kier comparti cu boso e 7 mihonan pa bo no duda den purba nan.
1.Awa di coco
E consumo di awa di coco prome cu drumi ta un di e solucionnan pa caba cu insomnio y otro trastornonan di soño.
E bebida aki, fuente di acidonan graso y antioxidante, ta disminui e nivelnan di cortisol y e sensacion di pesades causa pa cuminda.
E propiedadnan aki ta controla e stress y ta optimalisa e produccion di e hormonanan cu ta yuda drumi bon.
Con pa beb’e
Pone un glas keinta (200ml) di awa di coco y ora cu e ta lauw, beb’e di inmediato.
Beb’e un ora prome cu drumi pa tin bon resultado.
2. Biña cora
Si ta bon, no ta wordo recomenda pa bebe bebidanan alcoholico den exceso, sinembargo, un kelki di biña cora por brinda e organismo beneficionan hopi interesante.
E bebida aki ta carga cu antioxidante y mineralnan esencial cu, hunto, ta yuda relaha e sistema nervioso pa faborece descanso.
Pa si ta poco, su nutrientenan ta yuda na remove e toxinanan y likidonan reteni y ta yuda controla e probolemanan di inflamacion.
Con pa beb’e
Sirbi un kelki (150ml) di biña cora y beb’e mey ora prome cu drumi.
3. Juice di cherry
E bebida aki ta un di e remedinan natural cu mas ta recomenda pa tratamento di insomnio.
Esaki ta debe na su aportenan di melatonina, un substancia kimico cu ta participa den e regulacion di e ciclonan di soño.
Con pa bebe
Tuma mita glas (100ml) di juice di cherry prome cu drumi.
Si bo gusta, bebe tambe na yuna, sin excede di un glas diario.
4. Lechi
Esnan cu no tin intolerancia na lactose por haya un gran solucion pa e problemanan di soño den un glas di lechi cayente.
E bebida aki ta conta cu un aminoacido conoci como triptofano cu, despues di wordo asimila, ta yuda den e produccion di melatonina.
Con pa beb’e
Keinta un glas (200ml) di lechi y bebe mey ora prome cu drumi.
5. Avena
E receta clasico di avena por ta un solucion efectivo contra trastornonan di soño. Y no solamente e ta evita indigestion, sino tambe e ta aporta na triptofano y otro nutrientenan cu ta participa den e produccion di melatonina y serotonina.
Con pa beb’e
Prepara un bebida di avena y disfrut’e un ora prome cu drumi.
6. Lechi di almendra
Rico den omega 3, aminoacido y fibranan natural, lechi di almendra a converti den un di e bebidanan vegetal mas recomenda pa esnan intolerante na lactose.
Su consumo ta brinda energia na e curpa, pero tambe ta promove descanso ora cu e wordo bebi na momentonan prome cu bay drumi.
E ta un di e fuentenan significativo di triptofano, un aminoacido necesario pa e produccion di e hormona cu ta induci soño.
Con pa beb’e
Keinta un glas (200ml) di lechi di almendra y bebe mey ora prome cu drumi.
7. Infusion di camillebloem
E poder relahante di e infusion di manzanilla of camillebloem, por wordo probecha pa combati e problemanan di soño ora cu esakinan ta relaciona cu e ansiedad y stress.
Su consumo ta faborece e actividad di e sistema nervioso y ta yuda na reduci e tension di curpa.
Con pa beb’e
Bebe un kopi (250ml) di e infusion di manzanilla mey ora prome cu descansa.
Bo ta teniendo dificultad pa drumi adecuadamente? Anima bo mes pa purba cualkier di e bebidanan menciona y comproba p’abo mes con bon nan ta pa bo bisa ayo na e problema aki.
Fuente: https://mejorconsalud.com