Diahuebs dia 18 di Mei, Centrale Post ta manda un patruya pa un compania di watersport pa intermedia den un caso. Na e sitio agentenan policial ta papia cu’n homber cu ta declara cu e ta traha na e compania en cuestion. El a yama polis pa bin intermedia door cu un di e turistanan no kier a paga pa dañonan causa na un boto di vela. E turista C., hunto cu un amiga a huur un boto di vela. El a laganan lesa e contract y nan a firma cu nan ta di acuerdo cu loke e contract ta stipula. Despues di un paar di minuut, C. ta ripara cu e boto tin problema. El a wak con e boto a kentel y cu nan tabata tin problema pa pone esaki recht bek pa cual el a dicidi di huur un boto pa bay yudanan y trece nan na kanto bek. El a duna C. e cuenta di 85 dollar pero C. no kier a paga, e tabata kier a paga solamente 25 dollar. Riba e contract ta para cu si e boto sufri daño ta 25 dollar ta wordo cobra y ta un otro 25 dollar extra si nan mester wordo rescata. Ademas ta bin tambe e vela di e boto cual ta un otro 35 dollar extra cu e turista lo mester paga. E agentenan a nota cu e vela tabata tin algun scheur den dje. C. a didici di yama su tata, cu ta doño di e negoshi y el a papia cu C. tocante e sucedido. Nan a yega na un acuerdo pa C. paga 50 dollar.