SANTIAGO DE CHILE, Chile – Riba dia 22 di Mei, 1960, pa 3’or y 11 di atardi, e teremoto mas grandi registra pa instrumento, a toca tera parti zuid di Chile cu un magnitud cu awendia nos conoce como por lo menos 9.5. E teremoto aki a genera un tsunami cu a biaha atrabes di cada oceano riba tera, aunke cu e olanan mas peligroso, solamente na e liña costera rond di e Oceano Pacifico. Chile a sufri e impacto mas grandi, cu olanan di tsunami di mas of menos 25 meter of 82 pia, matando por lo menos 2000 persona eynan.Pafo di Chile e tsunami tabata pio na e otro banda di e planeta, na Hapon, caminda cu e olanan a alcansa un haltura di 6.3 meter of riba 20 pia y a mata 139 persona. Mientras tanto atrabes di e oceano, Hawaii a sufri e di dos tsunami den su historia registra – solamente e tsunami di e Islanan Aleutio na 1946 tabata pio. El a mata 61 hende den e ciudad di Hilo, cu olanan cu a yega 10.7 meter di halto of riba 35 pia y tur Isla Hawaiiano a experencia olanan riba 1 meter of 3 pia. Filipinas tambe a perde 21 persona den olanan registra di 1.5 meter of casi 5 pia, y dos mas hende a muri na California di olanan cu a yega 2.2 meter, of riba 7 pia halto. Otro caminda rond di Oceano Pacifico, olanan di tsunami a yega 12.2 meter of 40 pia na e isla Pitcairn, 7 meter of 23 pia na Rusia (Kamchatka), 5 meter of riba 16 pia na New Zealand, 4.9 meter of 16 pia na (Western) Samoa, 2.4 pia of mas of menos 8 pia na French Polynesia, 2.1 meter of 7 pia na Canada, 1.8 meter of mas of menos 6 pia na Papua New Guinea y 1.2 meter of mas of menos 4 pia na Mexico. Na Merca y su teritorionan 2.4 meter of mas of menos 8 pia na American Samoa, 2.3 meter of 7.5 pia na Alaska y 1.8 meter of mas of menos 6 pia na Oregon.
Un sistema di advertencia global di tsunami no tabata existi den 1960 y e Observatoro Magnetico y Sismico di Honolulu, cu despues a bira Pacific Tsunami Warning Center (PTWC), a saca advertencianan di tsunami pa e teremoto aki pa e estado di Hawaii, algun ora prome cu yegada di e tsunami (e lo a tuma mas of menos 15 ora pa e prome ola pa yega Hawaii). Como resultado di e tsunami aki, Nacionnan Uni lo a setup e Pacific Tsunami Warning System (PTWS) na 1965 cu e Observatorio di Honolulu como su cuartel general.
Awe, mas di 50 aña desde cu e gran Teremoto di Chile y e establecimento di e PTWS y e PTWC lo emiti advertencianan di tsunami den minuut, no ora, despues cu sosode un teremoto sosode, y lo pronostica con grandi cualkier tsunami lo por ta, mientras cu e ta crusando e oceano. PTWC tambe por crea un animacion di un tsunami historico cu e mesun herment cu e ta uza pa determina peligernan di tsunami den real time pa cualkier tsunami di awendia.
Fuente: https://sos.noaa.gov