TILBURG, Hulanda – Si bo ta laga bo pushi cana los na Tilburg, y e animal ta dicidi di haci su sushi riba caya of den e hofi di e bisiña, como doño di e pushi, pronto lo bo por spera un boet basta formal den bo post. Hans Smolders, exponente di Lijst Smolders na Tilberg, kier pa gara e toro na su cacho. “Tur hende mester por conoce un hende cu lo tabata trahando den su hofi y inesperadamente su man ta mishi cu sushi di pushi.”
Smolders a divulga e plannan aki na Omroep Brabant. “Ken cu laga su pushi los y e haci su sushi por ehempel den e hofi di e bisiña, por conta riba un boet basta bon di 400 euro.”
Tambe Smolder kier pa aboli e belasting di cacho. Na luga di esaki, mester tin continuamente den cada bario di Tilburg dos supervisor cu lo por atende cu e doñonan di cacho y pushi riba nan comportacion. Ta trata aki di 25 supervisor.
Hopi hende di acuerdo
Segun Smolders, el a haya reaccion positivo riba su plan. “Nan ta basta hopi y mayoria di e hendenan ta di acuerdo. Un biaha mas: no ta e intencion pa e hofi di e bisiña wordo uza como un baki di sushi. Pesey ta boga pa un prohibicion total pa pushinan cu ta cana rond.”
Fuente: www.telegraaf.nl