MANILA, Filipinas – Por lo menos 36 persona a muri asfixia den un atake riba un casino na Manila pa un homber kende a cende e luga na candela, prome cu el a mata su mes, autoridadnan Filipino a afirma diabierna, kendenan a descarta e pista terorista, segun AFP a constata.
Mas di medio centenar di hende mas a resulta herida, ora cu nan a scucha tiro, cu a aterorisa e clientenan, ora cu nan a purba di huy for di Resorts World Manila, ubica dilanti di e aeropuerto internacional di e capital.
Oranan prome, autoridadnan di e pais a informa cu e atacante a fayece na e luga y den un principio, e grupo di inteligencia SITE, a bisa cu e autoria di e atake tabata di e autodenominado Estado Islamico, sin embargo polis a sigura cu ta trata aki di un intento di robo.
Autoridadnan a informa cu un homber, kende parce tabata actua su so, a cana pa un di e zonanan di e casino y a tira riba un pantaya di television, a basha gasolin riba mesa den e casino y a cende esaki na candela.
Ademas a informa cu e homber a tira un biaha mas unda nan tabata warda e fechanan y a yena un rugtas cu ficha. Segun polis, e sospechosonan a logra bay cu e ekivalente na 113 miyon di peso Filipino (2.3 miyon di dollar).
E cadaver carbonisa di e sospechoso a wordo haya riba e di cinco piso di e hotel. Polis a sigura cu e presunto responsabel a cerca su mes den camber 501, a lora su mes den klechinan baña cu gasolin y a cende su mes na candela, den loke a wordo cataloga como suicidio.
Fuente: www.ntn24.com