Cuerpo di Marina Real aworaki tin un batata cayente den su scochi tira. Ta trata aki di un caso di corrupcion. E Chef di Bureau Huisvesting, encarga pa asigna un cas na e militarnan Hulandes, a wordo geschorst pa motibo di a cera dealnan sospechoso cu varios oficina di di Real Estate.
A cambio di zorg pa e militarnan haya un cas, sergeant mayoor Richard van der H. (37) sistematicamente lo a cobra un porcentahe di e placa di huur.
Su casa, Silvia D. (33) tambe ta sospechoso den e caso aki. Como un real estate, e tabata complice di Van der H. Ministerio di Defensa a confirma cu e pareha, procedente di Brabant lo ta bou sospecho di corupcion. Koninklijke Marechaussee ta papia di un investigacion grandi.
E escandalo aki ta un tema super sensitivo den kazerne na Savaneta. Manera e dicho na Hulandes ta bisa: “gelegenheid de dief heeft gemaakt’. E oportunidad a presenta y Van der H. a probecha. Como hefe di Huisvesting Van der H. lo a hunga un rol prominente den e cultura unda cu mariniernan ta zorg pa nan mes, y nunca ta delata otro.
Parce cu tin militarnan di posicion halto cu tambe ta meti den e caso di corupcion aki, caminda pa un suma chikito, nan tabata biba den villanan luhoso.