CAY BAY, St. Maarten – 300 alumno di Leonard Connor School a wordo evacua dialuna mainta debi na un substancia sospecha di ta sulfur dioxide tabata den aire na e scol. Un di e docentenan a cay flau y no tabata por a bay na St. Maarten Medical Center (SMMC) pasobra tabata tin solamente un ambulance den servicio, cu tabata ocupa na un otro emergencia.
Sulfur dioxide ta un gas toxico cu un holo skerpi y iritante. Tambe e ta afecta salud humano ora cu ta inhal’e. E ta irita e nanishi, garganta y e via respiratorio cu ta causa tosamento y rosea cortico, of tambe un pretamento fuerte den e area di e pecho.
Presidente di Parent Teacher Foundation, Jenifer Cannegieter a wordo contacta pa e Departamento di Educacion Publico y GEBE durante simannan largo pa purba di resolve e situacion. Departamento di Bombero a conduci revisionnan pero a suministra nan hayasgo na e Departamento di Educacion y no na e scol.
“Nos tin alumnonan cu ta haya sangramento na nanishi y ta sufri di rosea cortico y awe nos mester a evacua pasobra un di e docentenan a cay flauw. Coriente na e scol tabata un problema pa un tempo basta largo. Nos no por pone mas airco of cualkier cos electronico pasobra e capacidad a yega su limite,” e presidente a bisa riba dialuna.
El a agrega cu cada biaha e yama gerencia di GEBE e ta wordo bisa cu nan ta tira un bista riba dje. “Mientras tanto nos mucha y docentenan no ta den un ambiente sigur. Nos kier contrata nos mesun electricientnan pero esey ta un probema pasobra e Departamento di Educacion kier contrata nan propio hendenan pa e scol. Tur loke GEBE tin cu haci ta inverti den filter pa asina nos por respira aire limpi,” Cannegieter a bisa.
E scol ta keda cera te ora cu e situacion ta resolvi.
Fuente: The Daily Herald