CARACAS, Venezuela – Muchanan cu sindrome di Down, apesar di su condicion, semper ta interesa den socialisa cu otro hende, y, apesar cu esaki ta dificil pa nan expresa, nan ta purba. Sin embargo, ora cu nan ta cuminsa sinti molester pa desordo of ora cu no kier socialisa ni haci contacto visual, ta probable cu nan tambe ta presentando sintomanan di autismo.
Rusdeiba Agelvis Garcia, specialista den Atencion Psicoeducativo di Autismo na Venezuela, ta splica cu for di aproximadamente dos aña, e cantidad di mucha cu ta padece di manera conhunto sindrome di Down y Autismo, a aumenta.
“Mi ta atende aproximadamente 2500 mucha cu varios problema. Semper mi ta forma gruponan di entre ocho y nuebe pashent cada dos ora y den cada ekipo semper tin uno cu sindrome di Down. Sin embargo, den e ultimo dos añanan, mi a mira den cada grupo un mucha cu ademas di tin e condicion aki tambe, tin sintoma di autismo,” Garcia ta comenta, kende tambe ta directora di e Centro di Terapia di Desaroyo.
E experto ta sigura cu 100% di e poblacion cu sindrome di Down, por lo menos 30% por ta presentando e dos condicionnan aki hunto.
Muchanan cu Down tin trisomia di e par21, es decir, nan ta presenta un copia extra di e cromosoma aki. Ta pesey nan tin nan wowonan cera y ta dificil pa nan papia, ta señalnan caracteristico di e personanan aki.
“Nan tin e lenga mas grandi cu e boca y pesey ta dificil pa nan papia; nan tin e cara manera plat,” Garcia ta agrega.
Mientras cu muchanan cu autismo, no ta presenta caracteristicanan fisico cu ta permiti nan identifica e condicion, nan ta cera den nan mes, ta alinea e lego a base di color, nan no ta integra den grupo y no ta comunica.
“Desde di 18 luna di bida, por identifica e señalnan di autismo, mientras cu e sindrome di Down por wordo diagnostica esde e embaraso atrabes d un amniocentesis,” e specialista ta resalta.
Garcia ta asevera cu e mayornan mester ta atento na e personalidad di muchanan cu sindrome di Down, ya cu, na e diferencia di esnan cu ta padece autismo, nan ta hopi amigabel.
Si un mucha cu sindrome di Down, ta laga di haci cosnan prome cu 18 luna, cual e tabata haci di manera habitual, ta señal di alarma cu algo ta pasando. Nan por compronde si bo ta bisa cu no por bay park pasobra ta yobiendo. Pero si e tin autismo, nan ta rabia asina hopi cu nan por herida nan mes y tambe otro.
E tratamento ta cambia
Garcia ta splica cu e tratamento pa muchanan cu ta padece di e dos condicionnan hunto aki tin cu amplia.
Ademas di e terapia di idioma diseña pa ehercita e lenga den pashentnan cu sindrome di Down, tambe tin cu inclui e parti di comunicacion pa e sintomanan di autismo cu ta relaciona cu e parti social.
“Ta trata di autismo, pero lo mas complicado semper ta e condicion base, den e caso aki, e sindrome di Down,” e ta afirma.
Fuente: El Universal