Despues du un hornada carga di trabao, ta costa nos enomrmente desconecta. Si bo ta cansa di hiba bo problemanan cas, si bo kier haya un miho manera di recupera e calma ora cu bo yega cas, pone atencion na e consehonan ay y lo bo wak con bo por relaha.
Halamento di rosea
Inhala y exhala aire ta un acto refleho cu nos ta realisa hopi biaha pa dia (y durante anochi, naturalmente). Pero, den e 99,9% di e casonan, nos ta haci’e malo. “Un di e metodonan di relahacion mas efectivo pa reduci of preveni e aparicion di stress, ta e respiracion abdonimal of diafragmatico,” dr. Gemma Balaguer, specialista di e Clinica di Ansiedad di Barcelona a comenta. Aire ta drenta y sali for di e pulmonnan den funcion di movimiento di e diafragma. Pone bo mannan riba e bariga: si e hincha, bo ta haciendo esaki bon.
“Na principio, ta miho pa bo practica e respiracion aki drumi. Mas despues, purb’e sinta y finalmente para,” Balaguer ta recomenda. E ritmo adecua ta ocho respiracion pa minuut: inhala durante tres seconde, haci un pauze chikito y exhala pa otro cinco seconde.
Esencia
Perfuma bo cas. Scoge lavandel, salvia of melisa pasobra “e ta eherce un efecto sedante riba e organismo,” dr. Pablo Saz, specialista den Medicina Naturista di e Universidad di Zaragoza, ta splica. Pero pa e funciona bon, e azetanan esencial mester ta di bon calidad. P’esey, “e miho opcion ta adkirinan den boticanan specialisa,” e ta recomenda. Pa esey, bo lo tin mester tin un receta di dokter.
Ultimo ora: e paz interior ta hole na lavandel. Si bo no ta kere, haci bo olfato skerpi, hala rosea profundo (di nobo) y relaha bo mes.
E via di administracion mas practico ta e mistnan di henter un bida cu algun gota di azeta esencial. “E humedad di e mist ta reblandece e mucosonan y ta facilita e absorcion di esencia,” dr. Saz ta apunta. Esnan cu ta mas excentrico, tambe por opta pa baño: yena bo badkuip cu awa lauw, dilui un paar di gota di esencia y mentalisa bo mes pa pasa un bon rato den awa. “Haci’e diariamente durante un siman y despues descansa,” e ta recomenda.
Musica
“Scucha musica ta mehora e calidad di bida y ta yuda reduci e stress cotidiano,” Patricia Ferro di e Asociacion nacional di Musicoterapia Itai Doshon, ta sigura. Asina ta, pone bo headphone nan y primi “Play.”
“E efectonan sonoro ta genera e liberacion di endorfina, yama hormoon di felicidad y tambe ta fortalece e sistema imunitario, e sistema linfatico y e circulacion di sanger,” e terapeuta ta expone. Respecto e eleccion di musica, “mester wordo realisa pa un terapeuta cualifica den e base di historial musical di e pashent,” Ferro ta subraya. Aunke nos ta evita duna un recomendacion concreto, e musica melodico di e ritmonan pausa ta generalmente esun mas adecua pa trata ansiedad y stress. “E melodia ta actua riba e estado emocional, mientras cu e ritmo ta stimula e actividad mental y movimiento.”
Pa e musicoterapia ta efectivo, “Bo mester practica den un espacio comodo aisla acusticamente,” e experto ta indica. Dedica algun sesion semanal di mas of menos 45 minuut of un ora.
Fuente: http://www.menshealth.es/