KINSHASA, Congo – Tres persona a muri pa causa di un brote di ebola den un region remoto nort di Congo, segun e Organisacion Mundial di Salud.
Funcionarionan di salud a biaha na e pais di Africa Central aki den respuesta na un creciente cantidad di caso, e organisacion a bisa.
Siman pasa, Organisacion Mundial di Salud a informa di un morto relaciona cu ebola y e posibilidad di otro dos. Diasabra, e organisacion a confirma cu e otro dos mortonan tambe tabata relaciona cu ebola.
E prome caso, cu a tuma luga dia 22 di April, a envolvi un homber di 45 aña di edad. E tqaxita a hiba e homber hospital y un persona cu a ocupa di e homber, a enferma y a muri mas despues, WHO a bisa.
E tres mortonan aki a sosode den e area sanitario di Likati, den e provincia di Bas-Uele, na frontera cu e Republica Centroafricano.
E provincia di Bas-Uele, cu un poblacion di 900 mil persona na 2007, ta habita den su mayoria pa e tribu di boa, cu ta subsisti di agricultura, jaagmento y ta comercia atrabes di e riu Uele.
E funcionarionan di salud ta investando otro 17 caso sospechoso, dokter Ernest Dabire a bisa diadomingo na Kinsasha, kende alabes ta coordinado di e grupo di salud di WHO. Ta calcula ademas cu 125 persona a keda relaciona cu casonan confirma di ebola y a insisti cu e publico pa ta vigilante y bishita nan dokter si ta experimenta keintura of otro sintoma.
Sintomanan manera keintura, doolor di cabes, dolor muscular, fatiga, diarea, sacamento, dolor abdominal y hemoragia por cuminsa entre 2 y 21 dia despues di exposicion.
Como alcance di e brote, ainda no ta conoci. WHO no ta recomenda ainda ningun restriccion riba comercio of biahe pa Congo.
Fuente: CNN en Español