Aruba Bank ta cla pa su di 13 edicion di e anual “Aruba Bank Walk & Run 2017”, conhuntamente cu su partner Subway. Un biaha mas esaki lo ta un evento grandi cu no menos di 2500 participante. E Walk & Run aki ta e prome evento cu lo ta “plastic free”, unda cu durante e rutanan Aruba Bank no lo duna awa den cups ni boli y esaki ta en conexion cu e Green Wave efforts. Pues, corda trece bo boter di awa, y bo tin e opcion di refill esaki na Start, Halfway di e ruta, y na Finish, pa asina bo curpa keda hidrata.
Dialuna 29 di Mei e caminata y coremento lo inicia pa 6:30pm na e sucursal di Aruba Bank San Nicolas, diamars 30 di Mei e lo tuma start na Compleho Deportivo na Santa Cruz, diaranson 31 di Mei e Walk & Run lo sali for di Aruba Bank Drive Thru na Paradera y diahuebs dia 1 di Juni e lo cuminsa na Centro Deportivo Frans Figaroa na Noord. Aruba Bank ta corda tur interesado pa jega na ora pasobra e evento lo start na ora.
Si bo no a download e Auba Bank Walk & Run App ainda, haci esaki y mira bo registracion di tempo di Chip asina cu bo pasa e Mat na comienso, mitar caminda y final. E miho tempo di e 4 dia ta e miho resultado. No lubida di bisti bo BIB y Chip, cuida esaki bon e corda trece durante tur 4 dia di evento.
Si bo ta un grupo cu ta participa y na luga cu cada un bay cu nan propio auto, haci un car-pooling unda cu un ta pasa piki otro pa bay y pa bin bek.
Entre otro e rutanan di e Walk & Run y hopi informacion mas ta disponibel ariba e Aruba Bank Walk & Run App, cual bo por download den App store di Apple y Android.
Aruba Bank ta encurasha tur participante pa verifica nan informacion di nomber y BIB ariba https://walk-and-run.arubabank.com y alabes ta recorda tur participante pa Download e Aruba Bank Walk & Run App, y asina keda al tanto di tur informacion importante, LIVE tracking, Social Sharing, Playlists, y updates pa tur participante. Tambe sigui Aruba Bank ariba Facebook.