Dia 22 di October, Iglesia Catolico ta celebra fiesta di San Juan Pablo II, e Papa peregrino cu a biaha rond mundo y a resalta cu “matrimonio y e famia Cristian ta edifica Iglesia. E yiunan ta fruto precioso di matrimonio.”
Karol Josef Wojtyla, miho conoci como San Juan Pablo II, a nace na Wadowice, Polonia, na 1920. E dia cu el a ricibi su prome comunion el a ricibi e scapulario y desde e tempo ey el a hib’e cune como muestra di amor pa la Birgen.
E tabata tin un hubentud hopi duro pa e ambiente di odio y destruccion di e Segunda Guera Mundial cu e invasion Nazi, pero su fe a hib’e pa ingresa den e seminario di manera clandestino.
El a wordo ordena como sacerdote na 1946 y Obispo Polaco na 1958, caminda cu el a scoge su lema oficial “Totus Tuss” (Tur cos dibo), na honor na Maria Santisima.
Den e concilio Vaticano II, su colaboracion tabata importante den e constitucionnan dogmatico “Guadium et Spes” y “Lumen Gentium”. Despues el a wordo nombra Arzobispo Metropolinato di Cracov y posteriormente haci Cardenal pa e awo Beato papa Pablo VI.
Entre e servicionan cu el a promove tabata e rama pastoral pa e sordomudo y ciegonan, e Instituto di famia y e programa “SOS Cardenal Wojtyla” pa yuda mamanan soltero cu tabata desea di aborta.
E morto di Juan Pablo I, na 1978, el a wordo eligi como Sumo Pontifice y a tuma enomber di Juan Pablo II. El a permanece como sucesor di San Pedro pa mas di 26 aña, realisando 104 biahe apostolico pafo di Italia y 146 den e pais aki.
El a impulsa e Hornada Mundial di Hubentud caminda cu el a reuni cu miyones di hoben rond mundo na Encuentronan Mundial di Famia.
El a bay biaha pa bay na e “Cas di su Tata” na 2005 y a wordo beatifica pa Papa Benedicto XVI y canonisa na April 2014 pa Papa Francisco, kende durante e ceremonia di canonisacion a bisa: “San Juan Pablo II tabata e Papa di famia. E mesun, un biaha, a bisa cu e lo a gusta di a wordo recorda como e Papa di famia.”
Grupo di Oracion Catolico “The Voice of Jesus” ta invita invita tur fiel y devoto pa asisti na e celebracion diasabra, dia 22 di October, 2016, riba e tereno bendiciona na Koyari. Bin sin falta.
“No tene miedo! Habri e portanan hancho di boso curason y boso bida pa Cristo.”