Diasabra 18 Maart 2017 pa 10:00 mainta lo tuma inicio na Torneo Himno y Bandera di Bolas Criollas na Papaya Ranch. Lo tin participacion total di 21 ekipo den categoria di dama y cabayero.
Lo tin canto di Himno y hisamento di Bandera prome cu e ekiponan cuminsa bataya pa asina anochi tin e gran final pa haya resultado di Campeon y Sub-Campeon den cada categoria.
Tambe lo ser conoci cu tur clasificadornan cu lo por participa na Torneo Internacional di Bolas Criollas Corsou na final di April 2017.
Papaya Ranch ta invita henter pueblo di Aruba pa apoya nos ekiponan di bolas criollas y pasa dia cu famia y disfruta di un bar bon surti y cushina crioyo crioyo!
Ban hunto celebra nos Dia Nacional y engrandece bolas criollas y deporte di Aruba en general.