Riba dia internacional di poesia lo bay presenta un buki cu a ser traha pa e islanan ABC. E escritor di e buki ta sr Eric Tchong y e lo presenta esaki riba un solo anochi na Bibloteca Nacional. Mirto Lacle a splica mas di e evento aki. E anochi aki lo rindi tributo na diferente persona cu a pone un stempel den e genero di composicion di poesia, cancion y tur loke tin di haci cu ideanan poni riba papel. E enfoke di e anochi si lo ta e presentacion di e buki cu ta contene hoyanan di nos islanan. Un bunita idea mirando cu e aña aki ta dedica na nos dushi idioma Papiamento. Lo coba den valies di recuerdo, segun Mirto Lacle. E invitacion ta keda pa tur hende cu kier sa mas di nos cultura y tambe cu ta stima nos idioma pa bin Biblioteca Nacional. Pa mas informacion por yama Mirto Lacle na 7402044.