Jammer pa cu pa mas of menos 200 studiante di Hogeschool Rotterdam tabata tin’e duro pa studia. E tentamen cu mester a wordo traha awe, a wordo declara invalido pasobra un hende a activa e alarma di candela. E scol mester a wordo evacua pa loke despues a bin resulta alarma falso.
“Nos por a saca afo cu e alarma a wordo activa manualmente. Pa loke nos sa te awor aki, e tabata un alarma falso,” un vocero di e scol a bisa.
Traha tentamennan nobo rapidamente
Ora cu e scol a wordo evacua, tabata bezig caba cu tentamen pa varios curso. Tambe tabata tin combersacionnan cu studiante. E vocero: “tambe for di e combersacionnan varios cos nobo a wordo divulga. Nos ta papia aki di plannan strak. Algun combersacion no a keda conclui debi na e evacuacion.”
Hogeschool Rotterdam ta haya e situacion hopi fastioso y a priminti cu e tentamennan nobo riba corto tempo lo wordo efectua. Asina e studiantenan por tin menos molester posibel.
No a continua despues di evacuacion
E scol no por a haci nada otro di declara e tentamennan invalido, segun e vocero a splica.
“Bo ta compronde cu bo no por bandona e espacio di tentamen y despues continua despues di evacuacion. E studiantenan ta bay pafo y papia cu otro y por comparti informacion. Esey no por. Asina bo no por garantisa e calidad di e tentamennan.”
E scol ta purba ainda pa saca afo kende ta responsabel pa e alarma falso.
Fuente: www.rtl.nl