MUZAFFARNAGAR, India – Door di un accidente di trein den e estado Indio Uttar Pradesh diasabra, por lo menos 14 persona a fayece. Cerca di 100 persona a keda herida. E trein a derail cerca di e ciudad di Muzaffarnagar, panort di New Dehli.
Segun un vocero di e compania di trein, cinco wagon a sali for di e railnan, segun e agencia di noticia Reuters. Un ambtenaar local a laga sa cu tabata tin 58 persona gravemente herida.
Riba e imagennan di CNN News 18, por a mira e tragedia aki. E treinnan tabata drumi di dwars riba e railnan, algun di nan hasta riba otro. Hendenan cu ta biba banda di e railnan, a conta e periodista, cu algun di e treinnan hasta a logra alcansa algun cas. Ta spera cu e cantidad di morto lo subi.
Trahadonan di rescate
Trahadonan di rescate ta en busca di sobrevivientenan. Tin mas ekipo di calamidad na e sitio di accidente na caminda, segun e Gobierno nacional. Reuters a skirbi cu pasaheronan entre e wagonnan tabata busca otro pasaheronan.
E accidente a sosode laat durante merdia. Mientras tanto nochi a cay. Den e scuridad tabata imposibel pa servicionan di rescate sigui cu e accion di buskeda gigantesco aki, segun e hefe di polis, Ajay Pandey. “Nos tin dificultad pa saca e sobrevivientenan for di e wagonnan accidenta. Nos ta spera pa miho herment pa asina por libera e hendenan. Ekiponan di rescate ta haciendo tur posibel.”
Hopi accidente
Frecuentemente tin accidentenan di trein cu ta sosode na India. E pais riba su mes ta un di paisnan cu tin un red di trein mas grandi na mundo, pero den e ultimo dies añanan e ta wordo mal manteni. E treinnan ta super yen y ta core riba railnan bieu.
E derailing di diasabra ta e di cuater accidente grandi di un trein di pasahero di e aña aki. Tres di e accidentenan aki a sosode den e mesun estado, Uttar Pradesh.
Fuente: www.nu.nl