DEN BOSCH, Hulanda – Georg K., (39) for di Best, tin cu duna cuenta na Husticia, caminda cu tin 14 aña di cel riba su cabes pa dos intento di asesinato riba su yiu muhenan. Esaki ta loke Ministerio Publico a exigi diamars merdia na corte di Den Bosch.
K. a pega e cas, caminda e y su dos yiu muhenan (e tempo ey 8 y 15) tabata biba den e anochi di diasabra, 19 pa diadomingo, dia 20 di Maart na candela. El a declara cu e kier a mata su yiunan pa e spaarnan di sufrimento di e kibramento di relacion entre K. y su ex partner y tambe mama di e dos mucha muhenan.
E ex militar a sigui cu e trabao cu precision segun Husticia. El a draai e cilindernan di gas habri y a pone bao di e trapi. Tambe K. a ocasiona diverso candela den e cas. Tur via di aire den e cas a wordo blokia, segun brandweer.
Riba e anochi aki, e yiu muhe di 15 aña a lanta fo’i soño door di e candeka, Mientras cu e tabata lanta su ruman muhe, K. a wantanan pa nan huy. E ruman muhe a dispone e balentia di spirito di a knock out su tata cu un klap na su nek. Door di esey nan a logra traha un buraco den e rolluik y sali bula for di e bentana di e prome piso. Ambos a sobrevivi e caida. Despues K. a bin bij, tambe el a huy for di e cas na candela.
Den corte, K. a admiti cu duele loke a sosode diamars merdia. E homber parce ta sufri di PTSS y tambe tin desekilibrio di personalidad.
Fuente: De Telegraaf