ROSARIO, Argentina – 13 morto y 34 herido tabata e saldo di e choke frontal di dos bus den cercania di Rosario, 330 kilometer nort di e capital Argentino, autoridadnan a informa diabierna.
E accidente a tuma luga merdia, debi na circunstancianan cu ainda ta wordo investiga. E dos vehiculonan tabata circula, yena cu pasahero mientras nan tabata cubri un trayecto di e area metropolitano di Rosario, provincia di santa Fe.
“Despues di un relevamento cu bomberonan boluntario y rescatistanan dentro di e vehiculonan siniestra, e cantidad di victimanan fatal ta 13,” e secretario di Proteccion Civil di e provincia di Santa Fe, Marcos Escajadillo, a bisa.
E accidente a involucra dos bus interurbano di e empresa local Monticas y a tuma luga 779 di e ruta Nacional 33, den un tramo recht y den bon condicion y den un dia despeha y 12 kilometer for di e ciudad di Rosario.
Fuente: NTN24