ORLANDO, Florida – E actonan den recuerdo di e 49 personanan asesina den e matansa di e club nocturno Pulse, na Orlando, dia 12 di Juni, 2016, ainda ta un gran dolor pa e famia y sobrevivientenan y door di a habri nan herida, hopi di nan a opta pa laga e ciudad durante e dianan aki.
E trahado social, Nancy Rosado, agente di polis di New York, durante 21 aña a probecha e experiencia adkiri tras di e atentadonan di e Twin Towers di dia 11 di September, 2001, pa ta mas cerca di e famia y victimanan di Pulse y purba duna “sentido na loke cu no tin.”
Rosado, cu ta forma parti di e comunidad LGBTI y ademas ta Portoriqueño, como bon parti di e victimanan di e anochi aki, a splica EFE cu e aniversario aki ta un momento dificil pa hopi di e afectadonan pa e hecho aki, cu a laga ademas di 58 herido.
E trahado social a spolica cu e dianan ta hopi duro, pasobra a pasa un aña y e “dolor ta mesun cos” y di hecho, cu asina tanto homenahe, e mama di un di e victimanan mortal, a yega di bis’e: “Ta mescos cu nan kier duna mi yiu na pida pida.”
“Recupera di e trauma ta tuma tempo, e ta bay poco poco,” Rosado a bisa, pasobra e victimanan ta mira e hendenan, e ciudad, ta “sigui padilanti” y nan ta sigui ancla den e temor y den e tristesa, loke ta genera “curashi” ora di puntra nan si nan ta sigui “atras”.
Rosado ta comenta cu, apesar di e miedo cu e matansa di Pulse a genera, esnan mas hoben di e comunidad LGBT ta sali y ta yena e clubnan nocturno, kisas pasobra nan tin mas “curashi.”
Mientras tanto y tras di e 12 lunanan cu a pasa, e victimanan directo di loke a sosode ta mas “trankil”, ta bay perdiendo e miedo y paulatinamente ta stop di mira atras.
Fuente: www.efe.com