Tur cos ta cla pa e ley di prohibi humamento den luganan publico pa 2017. E ley riba su mes a pasa, pero tabata tin algun landsbesluit cu mester a keda cla ainda. Mester bisa cu entre tanto e landsbesluitnan aki a keda cla y per 1 di Januari esaki ta drenta na vigor. Segun parlamentario Marlon Sneek di AVP, tin cu bisa cu e lo drenta na vigor den paso. Por ehempel entrante 1 di Januari, restaurantnan lo bay ta aden, snackbarnan lo bay ta aden. Casino lo bin tiki mas despues. Tin algun punto cu mester wordo haci door di departamentonan di gobierno. E kaderwet ta wordo traha, pero ki ora ta papia di un luga cera. Ki ora ta papia di un luga cu ta terasa. Ta e departamentonan di Gobierno cu tin e ambtenaarnan pa haci e investigacionnan ey y pone nan riba papel, ta landsbesluitnan cu mester a keda cla y nan a keda cla. Tin luganan manera Casino cu a bay di acuerdo, pasobra e tempo ey di parti di otro parlamentarionan a haci un otro peticion, a sinta tambe como Sneek, kende a bin cu iniciativa di ley a sinta cu e diferente personanan, pero e Parlamentarionan los riba nan mes a sinta cu diferente hende. Den e caso aki e organisacion di Casino a pidi mas tempo pa nan por organisa nan mes, pa pone afzuigkappen, traha areanan nobo y a bay e tempo ey di acuerdo pa duna nan un tiki mas tempo pa nan por cumpli cu e reglanan aki.
Loke ta snack, restaurant, etc., pero 1 di Januaru ta na vigor y pa loke ta e otro areanan aki, lo bay wordo menciona tambe, cua ta esunnan cu ta bin na beurt despues cu nan keda cla cu e rekisitonan cu nan mester cumpli cun’e.
Manera cu ley ta bisa, mester ta pafo den un area habri, eynan mag di huma. Otro camindanan, e departamentonan cu tin manera DTI, Departamento di Salubridad Publico cu tin e spectsnan kico ta e rekisitonan, nan tin cu bay cumpli cu e rekisitonan ey, si un casino ta bisa cu ta bay traha un area special caminda ta pone mashin, caminda esnan cu kier huma, por huma eyden. Pero eyden tambe tin cu cumpli cu algun rekisito y esey ta e rekisitonan cu mester bin den e landsbesluit ey y mester cumpli cun’e pa haya e ley den su totalidad implementa.
Dia 1 di Januari, esnan rekeri tin cu cumpli cu e ley aki. E ley riba su mes a wordo poni caba den gazeta. E ta un ley oficial y mester cumpli cun’e.
En principio tin cu meld e doño di e establecimento. A buta e forma ey, pa esun cu tin e vergunning carga su responsabilidad di e vergunning ey cu e ta haya for di den e caso aki, di pueblo, via di Gobierno pa e por opera un negoshi. E ta esun cu mester acerca y bisa cu tin un persona ta humano, caminda cu ta den restaurant ta comiendo, ta molestia y banda di esaki e ta ley. Di parti di Sneek, e ta bezig hincando un campaña den otro pa por bishita algun luga y pa duna conocemento di esaki pa tur hende por ta na altura di dje cu nan tin cu tene cuenta cu esey, entrante 1 di Januari 2017.
E forma mas miho pa informa ta pone un sticker. Mester corda di no humamento, e edad di 18 aña pa benta di alcohol tambe lo drenta na vigor. Riba tur dos aspecto lo ta haciendo un parti di campaña pa concientisa hende pa un hende no bay haya su mes den problema tampoco pasobra el a cana drenta y ta huma, cual e por ta custuma di bay e luga y haci ta. Pero e campaña banda di esaki lo bay yuda pa hende ta na altura cu tin cu tene cuenta cun’e.