CARACAS, Venezuela – Fin di siman pasa, Partido Socialcristiano (Copei) no a logra alcansa e meta di 0.5% di e firmanan rekeri pa valida dilanti di e Conseho Nacional Electoral (CNE) y sigui riba e caminda pa e eleccionnan regional.
E secretario general nacional di e partido, Robert Garcia, a informa cu e partido berde ta valido solamente den e estadonan di Tachira y Falcon.
“Ta importante pa destaca cu esaki a sosode pa e yamado cu nos a haci na no valida,” Garcia a bisa riba e website Caraota Digital.
Despues di no a logra e meta y pa nan keda ilegalisa, Copei lo suma na e tarheta di e Mesa di Unidad Democratico (MUD), manera cu e otro partidonan a haci, pa mantene activo nan idealnan politico.
“Den e estado Nueva Esparta nan no a pasa di 100 persona, na Caracas tabata minimo e participacion, tabata apenas di 1% y na Miranda solamente nan a logra mas di 6 mil firma. Den e resto di e estadonan manera Barinas, Merida y Vargas, nan a wordo acata na e yamado na no valida,” e secretario general a manifesta.
“E compañero Enrique Mendoza tabata kier a valida e organisacion, pero e responsabelnan di Copei a dicidi di haci un yamado na no valida debi cu e partido ta den un intervencion di e Tribunal Supremo di Husticia (TSJ), pa loke nos ta dicidi na mantene na Copei, dentro di e unidad pa mantene e partido,” Garcia a agrega.
El a puntualisa cu e proximo siman nan lo ta pronunciando riba e caso di e intervencion hudicial di Copei den e corte Interamericana di Derechonan Humano (CIDH).
Fuente: NTN24